OpenAI ChatGPTʼning barcha foydalanuvchilarini GPT-6ga oʻtkazmoqda. Pullik tariflar yangi modelni 7-oktabrda oldi, bepul va Go tariflari esa 8-oktabrdan oladi. Eng koʻzga tashlanadigan yangilik — javobning shakli.

Ishlatsa boʻladigan javob

ChatGPT endi uzun matn oʻrniga chat oynasining oʻzida grafik, tugmalar, forma yoki kalkulyator yasab beradi. Bunday javoblar uchun alohida limit yoʻq. Internetdan qidiruvli javob avvalgi tezkor modelga qaraganda 44% erta boshlanadi. Yangilik asta-sekin yoqilmoqda: kimdadir bugun, kimdadir bir necha kundan keyin.

Oʻz ishingizda sinab koʻring

Bitta soʻrov yozing: «Ustama kalkulyatorini qilib ber: xarid narxi, ustama foizda, sotuv narxi». Ilgari javobda formula va tushuntirish kelardi. Endi raqamlarni oʻzgartirsa boʻladigan kalkulyator keladi. Reklama byudjetini chamalash, ikki yetkazib beruvchini solishtirish yoki oylik savdo grafigi ham shunday tuziladi.

Sunʼiy intellektga hali qarab turganlar uchun bu qulay birinchi qadam. Bepul, sozlashsiz, natija bir daqiqada.

Manba